ᓈᓚᐅᑎᒃᑯᑦ ᑐᓴᖅᓴᐅᑎᑕᐅᔪᖅ ᓴᓇᔭᐅᔪᖅ ᑳᑐᕆᓐ ᐃᒍᒧᑦ ᐊᒻᒪᓗ ᒫᑎᐅ ᓚᕕᓐᒧᑦ ᐃᓕᓴᐱ ᓚᒧᕉ ᐃᓚᖃᖅᖢᓂ ᐃᕗᔨᕕᖕᒥ
ᑕᕝᕙᓂ ᐊᐱᖅᓱᕐᓂᐅᔪᒥ ᑲᒪᒋᔭᐅᓚᐅᖅᑐᒥ ᑳᑐᕆᓐ ᐃᒍᒧᑦ ᒫᔾᔨ 2023-ᒥ ᐃᕗᔨᕕᖕᒥ (ᓄᓇᕕᖕᒥ), ᑖᓐᓇ ᒪᒃᑯᒃᑐᖅ ᐱᑐᐃᓐᓇᐅᙱᑦᑐᓄᑦ ᐃᓕᓐᓂᐊᖅᑎᑦᑎᓂᕐᒧᑦ ᐃᓕᓴᐃᔨ ᓄᕕᑎ ᐃᓕᓐᓂᐊᕐᕕᖓᓂ ᐅᖃᐅᓯᖃᓚᐅᖅᐳᖅ ᐱᓗᐊᖅᑐᒥ Rencontres Action Jeunesse, ᖃᓄᐃᓕᐅᕐᓂᐅᔪᖅ ᐱᕕᖃᖅᑎᑦᑎᔪᖅ ᒪᒃᑯᒃᑐᓂᒃ ᐅᔾᔨᕈᓱᓕᖅᑎᑦᑎᓂᕐᒥᒃ ᑯᐸᐃᒃᒥ ᐃᓱᒪᓕᐅᖅᑎᐅᔪᓄᑦ ᖃᓄᐃᓐᓂᕆᔭᖏᓐᓂᒃ, ᐱᔪᓐᓇᕐᓂᕆᔭᖏᓐᓂᒃ ᐊᒻᒪ. ᐅᓂᒃᑳᓚᐅᕐᒥᔪᖅ ᑲᒪᒋᔭᕆᐊᖃᖅᑕᒥᓂᒃ ᐃᓚᒋᔭᐅᓪᓗᓂ ᖃᕐᔪᐃᑦ ᒪᒃᑯᑦᑐᑦ ᑲᑎᒪᔨᖏᓐᓄᑦ, ᐃᓚᐅᖃᑕᐅᓚᐅᕐᒪᑦ ᐱᓇᓱᐊᕈᓯᓕᒫᖅ ᐊᖏᖃᑎᒌᒍᑎᓕᐅᖅᑎᓪᓗᒋᑦ, ᐋᖅᑭᒃᓱᐃᔾᔪᑕᐅᓪᓗᓂ ᑲᑎᖃᑎᖃᕈᓐᓇᖅᓯᓚᐅᖅᑐᖅ ᐃᓚᖏᓐᓂᒃ ᐋᔩᖃᑎᒌᒃᑎᓂᒃ ᔭᐃᒥᓯ ᐸᐃᒥ ᐊᒻᒪᓗ ᑯᐸᐃᒃ ᐅᐊᓐᓇᖓᓂ ᐊᖏᖃᑎᒌᒍᑎᒥᒃ.
2022-ᒥ, ᐃᓕᓴᐱ ᓚᒨᕈ ᐃᓚᐅᓚᐅᖅᑐᖅ COP27-ᒥ ᓯᓚᕐᔪᐊᕐᒥᐅᑦ ᑐᓴᖅᑎᑕᐅᖁᓪᓗᒋᑦ ᓇᓗᓇᐃᔭᖅᓯᒪᔪᓂᒃ ᓄᓇᕐᔪᐊᑉ ᐅᖅᑰᓯᕙᓪᓕᐊᓂᖓᓄᑦ ᐅᑭᐅᖅᑕᖅᑐᒥ ᐊᒻᒪᓗ ᑲᓲᒪᖃᑎᖃᓕᖁᓪᓗᒋᑦ ᐊᓯᖏᓐᓂᒃ ᒪᒃᑯᒃᑐᓂᒃ ᓄᓇᖃᖅᑳᖅᓯᒪᔪᓂᒃ ᓄᓇᕐᔪᐊᕐᒥ.
ᖃᓂᑦᑐᒻᒪᕆᐅᓪᓗᓂ ᓄᓇᕕᒻᒥ ᒪᒃᑯᑦᑐᓄᑦ, ᖃᐃᖁᔭᐅᓯᒪᔪᖁᑎᕗᑦ ᐅᖃᐅᓯᖃᖅᐸᑉᐳᖅ ᒫᓐᓇ ᐃᓱᒫᓘᑎᒋᓪᓗᐊᑕᖅᑕᖏᓐᓂᑦ ᐊᒻᒪ ᐃᓚᐅᖃᑕᐅᓪᓗᓂ “Nurrait - Jeunes Karibus” ᐱᓕᕆᐊᖑᔪᒥᑦ, ᓴᐱᓕᖅᑕᐃᓕᓂᕐᒥᑦ ᐊᒻᒪ ᐃᒻᒥᓂᒃ ᐅᐱᒋᓂᕐᒥᑦ ᓯᓚᒥ ᐱᓕᕆᓂᒃᑯᑦ.
ᑕᕝᕙᓂ ᑲᑎᒪᓂᓕᒫᒥ ᐃᓕᓴᐱ ᓚᒧᕉ ᑐᓴᖅᑎᑦᑎᖃᑦᑕᖅᑐᖅ ᐅᕙᑦᑎᓐᓂᒃ ᐃᒥᐊᓗᒃᓯᒪᓐᖏᑦᑎᐊᖅᑐᓂ ᐊᒻᒪᓗ ᖃᐅᒪᑦᑎᐊᖅᑐᓂ ᐊᒃᓱᐊᓗᒃ ᐊᒃᑐᐊᓂᖃᕐᓂᕆᔭᒥᓂᒃ ᐅᖃᐅᓯᕐᒥᓄᑦ, ᐃᓚᒥᓄᑦ ᐊᒻᒪᓗ ᓄᓇᓕᒥᓄᑦ... ᐊᒻᒪᓗ ᐅᕙᑦᑎᓐᓂᒃ ᐅᔾᔨᖅᓱᖁᔨᓪᓗᓂ ᓇᓄᕐᓂᒃ ᐃᓛᓐᓂᒃᑯᑦ ᕿᓂᖃᑦᑕᖅᑐᓂᒃ ᓄᓇᖓᓂ ᐃᕗᔨᕕᖕᒥ!
ᑎᑎᕋᐅᔭᖅᑕᐅᓂᖓ ᐊᒻᒪᓗ ᓴᓇᔭᐅᓂᖓ ᑲᑎᙵᔪᑦ: ᑳᑐᕆᓐ ᐃᒍ ᐊᒻᒪᓗ ᒫᑎᐅ ᓚᕕᓐ
ᓂᔾᔭᐅᓯᔭᖅᑎ: ᐋᑐᕉ ᐸᕋ
ᖁᖓᓯᒃᑯᑦ ᐃᙱᕐᓂᖅ ᑐᓴᖅᑕᐅᔪᖅ ᑕᕝᕙᓂ ᑕᕐᕆᔭᓕᐊᒥ: ᓗᐃᔅ ᑲᓇᕐᔪᐊᖅ ᐊᒻᒪ ᕕᓕᓯ ᐋᑕᒻᔅ (ᓂᐱᓕᐅᖅᑕᐅᓯᒪᔪᖅ: ᑳᑐᕆᓐ ᐃᒍ, ᐃᕗᔨᕕᒃ, 2023)
ᐃᑲᔪᖅᑐᖅᑕᐅᓪᓗᓂ ᑲᑐᔾᔨᖃᑎᒌᓄᑦ Mission chez nous, ᑖᓐᓇ ᑲᓐᕗᐃᓐᔅ ᐱᓕᕆᐊᖅ ᓴᖅᑭᑕᐅᓯᒪᔪᖅ ᖁᔭᓐᓇᒦᖅᑕᐅᓪᓗᓂ ᑮᓇᐅᔭᑎᒍᑦ ᐃᑲᔪᖅᑐᖅᑕᐅᓪᓗᓂ ᕗᕌᓐᓯᔅᑲᓐᑯᓐᓄᑦ ᓴᐃᓐᑦ ᔫᓯᕝᒥ ᐊᒻᒪᓗ ᓘᓯᐊᓐ-ᓚᐱᐅᓪ ᑎᒥᖁᑎᖓᓄᑦ.
ᐅᓇ podcast ᓴᖅᑭᑕᐅᓚᐅᖅᑐᖅ ᖁᔭᓐᓇᒦᖅᑕᐅᓪᓗᓂ ᐃᑲᔪᖅᑐᖅᑕᐅᓪᓗᓂ ᑲᓇᑕᒥ ᑕᐃᔅᓱᒪᓂᑐᖃᕐᓄᑦ ᑮᓇᐅᔭᖃᖅᑎᑦᑎᔨᓄᑦ ᑲᓇᑕᒥ ᐃᑦᑕᕐᓂᓴᓕᕆᔨᒃᑯᓐᓄᑦ, ᐊᒻᒪᓗ ᓄᓇᕐᔪᐊᕐᒥ ᖃᐅᔨᓴᕐᕕᒃ ᐃᓱᒪᒋᔭᐅᓂᖓᓄᑦ ᐅᑭᐅᖅᑕᖅᑐᖅ, ᐅᑭᐅᖅ ᐊᒻᒪᓗ ᐅᑭᐅᖅᑕᖅᑐᖅ ᓯᓚᑦᑐᖅᓴᕐᕕᒡᔪᐊᖓᓂ ᑯᐸᐃᒃ ᒪᓐᑐᕆᐊᒥ.
ᐊᔾᔨᓕᐅᖅᑕᐅᔪᖅ: ᐃᓕᓴᐱ ᓚᒧᕉ ᕙᐃᔅᐳᒃᑯᑦ ᒪᒃᐱᒐᖓ