ᒫᓐᓇᐅᓕᕐᑐᑯᑦ ᖃᓄᐃᑦᑐᒦᓐᓂᕆᓕᕐᑕᖏᑦ ᐃᓄᒃᑎᑑᕐᓂᐅᑉ ᓄᓇᕕᒻᒥ ᒪᓂᔭᐅᔪᑦ ᑖᒃᑯᓇᓂ ᐊᓪᓚᒐᕐᓂ ᐃᓕᒃᑰᑎᑕᐅᒍᓐᓇᖏᓪᓚᑦ ᐃᓅᓯᐅᑉ ᐃᓅᒐᓱᐊᕐᓂᐅᓗ ᐊᕙᑎᒥᐅᑕᕆᓕᕐᑕᖏᑦᑕ ᐃᑯᓪᓚᖏᑦᑐᒥᒃ ᐊᓯᑦᔨᓯᒪᓕᕐᓂᖏᓐᓂᑦ, ᐃᒫᑎᒋᒃ ᖃᓄᐃᓕᓐᙰᓯᒪᓂᖃᓕᕐᑐᓂᒃ ᐃᓄᐃᑦ ᐃᓅᓯᖏᓐᓂᒃ ᐊᕐᕌᒍᓂ ᐊᕙᑎᑦ ᒪᕐᕉᒃ ᖁᓕᓪᓗᓂ ᐊᓂᒍᕐᓯᒪᓕᕐᑐᓂ. ᐃᓄᐃᑦ ᐃᓅᓯᑐᖃᕐᒥᓃᑦᑎᓗᒋᑦ ᓱᓕ, ᐅᖃᐅᓯᖏᑦ ᐅᖃᑦᓯᐊᕈᓯᖏᓪᓗ ᓈᒻᒪᓯᐊᕐᑐᒥᒃ ᐊᑐᕐᓂᖃᕐᓯᒪᕗᑦ ᐃᓄᐃᑦ ᐱᒋᐊᓕᓕᒫᖏᓐᓄᑦ ᐃᓕᖓᓯᒪᑦᓱᑎᒃ ᐊᕐᕌᒍᒐᓵᓗᓐᓂ ᓈᓴᕋᑦᓴᐅᖏᑦᑐᓂ. ᖃᐅᔨᒪᔭᐅᕙᒋᐊᓕᖁᑎᖏᑦ, ᐅᖃᐅᓯᕐᑕᖏᑦ ᐊᑦᑖᑦ, ᐃᓄᒃᑎᑑᕐᓂᐅᑉ ᕿᒻᒪᖁᑎᐅᖃᑦᑕᓯᒪᕗᑦ ᐆᒪᑎᑕᐅᖏᓐᓇᓂᐊᕐᑎᓗᒋᑦ ᐅᖃᐅᓯᒃᑯᑦ, ᐃᒫᓪᓗᑐᑦᓯᐊᓗ ᐊᑐᓪᓚᕆᑦᑐᒥᒃ ᑲᔪᓯᓂᖃᕐᑎᑕᐅᖃᑦᑕᓯᒪᑦᓱᑎᒃ ᑭᖑᕚᕇᓂ ᐃᓅᓯᒪᔪᓂ ᐅᐃᒍᒌᒥᒃ.
2006-ᒥ, ᓯᕗᓂᑦᓴᒥ ᐱᑦᓴᖑᕈᓐᓇᑐᓂᒃ ᖃᐅᔨᒪᒐᓱᐊᖃᑎᒌᑦ ᑲᑎᑦᑐᕕᓂᐅᕗᑦ ᑐᑭᒧᐊᒍᑎᑦᓴᓕᐅᕆᑦᓱᑎᒃ ᓄᓇᓕᓕᒫᑦ ᐁᕕᐅᑲᑦᑕᓗᑎᒃ ᐱᓇᓱᐊᕐᕕᐅᒐᔭᕐᓂᖏᓐᓂᒃ ᐃᓄᒃᑎᑐᑦ ᐅᖃᐅᓯᐅᑉ ᐱᕙᓪᓕᕆᐊᕐᑕᐅᒍᑎᑦᓴᖏᓐᓂᒃ, ᑐᑭᒧᐊᑦᑎᓯᔨᖃᕐᓱᑎᒃ ᒥᓂ ᐊᒦᓪᓚᒥᒃ, ᑌᑦᓱᒨᓇ ᐊᑕᐅᑦᓯᑰᕐᑎᓯᔨᐅᓚᐅᕐᓯᒪᔪᒥᒃ ᐃᓄᒃᑎᑐᑦ ᐅᖃᐅᓯᓕᕆᓂᐅᑉ ᐱᓇᓱᐊᕐᑕᐅᕕᖓᓂ ᐊᕙᑕᒃᑯᓂ. ᑖᒃᑯᐊ ᐃᓱᒪᓕᐅᕈᑎᖓᑦ ᓯᕗᓪᓕᒥ ᐊᑎᖃᕐᑎᑕᕕᓂᖅ ‘ᐅᖃᐅᓯᕗᑦ ᐱᐅᓕᓚᐅᕐᓚᕗᑦ’- ᓚᔪᒥᒃ, ᑭᖑᓂᒋᐊᖓᒍᑦ ᓴᖑᑎᑕᐅᓛᕐᑎᓗᒍ ᐃᓄᒃᑎᑑᕐᓂᐅᑉ ᓴᑐᕐᑕᐅᒐᓱᐊᕐᓂᖓ- ᓚᖔᓯᑦᓱᓂ. ᐊᕐᕌᒍᓂ ᐱᖓᓱᓂ ᕿᑎᕐᖃᒥᓪᓗ ᐱᓇᓱᐊᕐᓱᑎᒃ ᖃᐅᔨᓴᕐᓂᖃᕐᑎᓯᓕᕐᑐᕕᓂᐅᕗᑦ ᖃᓄᐃᓕᐅᖃᑎᖃᕆᐊᕐᑐᖃᑦᑕᓱᑎᒃ ᐃᓄᓐᓂᒃ ᐅᖃᐅᓯᕐᒥᒃ ᐱᖃᖃᑕᐅᔪᓂᒃ ᐊᓯᖏᓐᓂᓗ ᐱᓪᓚᕆᒍᑕᐅᑎᑦᓯᓱᑎᒃ ᓇᐅᑦᓯᑐᕐᑕᐅᑎᑦᓯᓱᑎᓪᓗ ᖃᓄᐃᑦᑐᒦᓕᕐᓂᖓᓂᒃ ᓇᓃᑦᑎᑕᐅᓕᕐᓂᖓᓂᓪᓗ ᐃᓄᒃᑎᑑᕐᑑᑉ ᐅᖃᐅᓯᐅᑉ.
ᔦᐱᑎ ᓄᓐᖓᖅ, ᐁᑕ ᓵᓐᑕ, ᒨᓱᓯ ᓄᕙᓕᓐᖓᖅ, ᐋᑕᒥ ᖃᓕᖑ, Illirijavut. ᐃᓪᓕᕆᔭᕗᑦ. That which we treasure. La langue que nous chérissons, Montréal et Inukjuak, Institut culturel Avataq, 2012, 254p.
ISBN 978-2-921644-88-4